GOD’S DESIRE

Hosea 1-5

Katulad nating mga tao ang ating Diyos ay mayroon ding desire o naisin. Ito ay hindi para sa kanyang sarili o para sa kanyang ikabubuti kundi sa ikapagpapala natin. Karamihan sa mga desires natin ay self-centered o para sa ating benefits. Subalit ang Diyos, dahil sa kanyang di malirip na pag-ibig sa atin ang personal desire niya ay para sa atin.

Inihalintulad ng Diyos ang pagsamba ng mga Israelita sa mga diyus-diyusan sa pakikiapid. At para mas bigyang diin ito kinasangkapan niya si Propeta Oseas. Inutusan niya ang propeta na mag-asawa ng isang prostitute, si Gomer. Sa kabila na sila’y nagkaroon ng tatlong anak sina Jezreel, Lo-Ruhamah, at Lo-Ammi nagawa pa rin ng kanyang asawa na mangalunya not once not twice but many many times. Subalit, sa kabila nito, at sa kabila na durog na durog ang puso ni Oseas nagawa pa din ng propetang suyuin at tanggapin ng buong-buo ang kanyang asawa. Kung paanong nasaktan si Oseas sa ginawa ni Gomer mas nasaktan ang Diyos sa paulit-ulit na pagsalansang ng kanyang bayang Israel.

Ang Diyos ay seryoso sa kanyang relasyon sa atin bilang kanyang mga Anak. Ipinakita niya ito ng mamatay ang ating Panginoong Jesus sa krus para sa ating mga kasalanan. Subalit sa maraming pagkakataon hindi tayo seryoso sa Diyos. Kahit alam nating kasalanan ginagawa pa din natin, kahit alam natin ang kalooban ng Diyos ang kalooban pa din natin ang siyang nasusunod, kahit alam nating mabuting manalangin, sumamba, at maglingkod sa kanya ginawa lang natin ang mga ito kapag nasa mood tayo o maisipan lang. Sa kabila ng ating pagiging unfair ang Diyos ay laging nakahanda na tayo’y patawarin, yakapin, tulungan, at bigyan ng panibagong pagkakataon kung tayo ay tatawag sa kanya. Ayaw natin ang ibang tao na nagiging unfair sa atin pero bakit ginawa natin ito sa Diyos? Paki-explain?

Walang ibang desire ang Diyos kundi ang maging tapat at totoo tayo sa ating relasyon sa kanya na kung saan para rin naman sa ating ikapagpapala.  Maging seryoso tayo sa ating relasyon sa kanya: kung mali huwag ng gawin, kung tama gawin.